Home » » المعلومات العلمية فى فيلم جري الوحوش

المعلومات العلمية فى فيلم جري الوحوش



المعلومات العلمية  فى فيلم جري الوحوش

جري الوحوش




المعلومات العلمية اللى كانت فى فيلم جري الوحوش كانت معلومات دقيقة وتسلسلها كان رائع..  واضح ان فريق العمل استعان بمختصين فى المجال الطبي ..


 من المشاهد اللى فى الفيلم لما محمود عبدالعزيز بيقول للى بيمسح الجزم انا لا هاخد كلية ولا كبد ولا قلب (ودول كانوا اشهر الأعضاء اللى بتزرعوا) انا هاخد حتة قد العدساية .. وهى الفص الأمامى من الغدة النخامية Anterior Lobe of Pituitary  اللى بعد كدا كان بيقولها بلغة العامة الإنترلوب  .. 

حيث ان الغدة تتكون من فصين امامى وخلفى وجزء بسيط فى المنتصف .. وحجمها بالكامل قد حبة البسلة الصغيرة.. فى الوقت دا وحتى الان موضوع زراعة او نقل فص من الغدة النخامية يأمله اى باحث او طبيب .. ودا كان دور حسين فهمى الطبيب اللى درس خارج مصر وراجع ينفذ بحثة الجديد اللى فعلا لو كان الموضوع حقيقى فهو فعلا ابتكار علمى كبير جدا الفليم تسلسل فى الأحداث بشكل عبقرى من الجانب العلمى والدرامى بعد اى عملية لزراعة الأعضاء المريض بيمشى على ادوية لتثبيط الجهاز المناعي حتى لا يتفاعل الجهاز المناعي مع العضو الجديد ويحدث تفاعل مناعى بعدم الاعتراف بالعضو الجديد وطردة .. ودا كورس علاج لازم يتاخد بعد اى عملية زراعة أعضاء نور الشريف اخد دور برد لما اخد دوش ماء سخن وطلع قعد فى البرد على النيل .. بعد ما كنت صحتة اتحسنت .. دور البرد هنا مع مريض عندة نقص مناعة ناتج من استخدام الادوية .. ممكن يقلب بنزلة شعبية .. النص اللى قالة حسين فهمى .. "البرد قلب معاه بنزلة شعبية حادة وممكن يقلب معاه  بالتهاب رئوى " .. مصطلحات علمية دقيقة جدااا فى ترتيبها  ..اللى جسد الحالة نور الشريف لما فضل يكح ومش قادر ياخد نفسة .. تجسيد قوى .. لما قالوا هل ممكن يتعالج ؟ مكنشى ينفع يوقف كورس العلاج المثبط للمناعة .. لانة كان طبيب كل هدفة هو انه ينجح فى بحثة على حساب اى شخص مهما كان صديقة المقرب. بعدها نور الشريف رقد على السرير .. والرقدة على السرير شهرين .. عدم الحركة مع الضغوط مع دم قابل للتجلط .. ممكن تعمل تجلطات ودا اللى حصل لما اتشل .. والشلل هو نتيجة اعراض جلطة فى المخ واضح من التسلسل العلمى المتناسق مع التسلسل الدرامى ليخرج الفيلم بشكل مبدع لك ان تتخيل ان هذا الحجم الضيئيل من جسمك وهى الغدة النخامية Master Gland اسفل المخ المحاطة بغلاف عظمى sella turcica  تتحكم فى عوامل كبيرة جداااااا ودا بيبين معجزة الخالق ..

 الغدة دى بتفرز من فصها الأمامى .. الإنترلوب 5 هرمونات رئيسية

 1 هرمون النمو Growth Hormone GH اللى لو نقص يعمل مرض القزامة Dwarfism واللى لو زاد قبل البلوغ يعمل مرض العملقة Gigantism واللى لو زاد بعد البلوغ يعمل مرض الضخامة

 Acromegaly 2 هرمون الحليب Prolactin PRL ودا لو زاد عند الرجال يعمل مرض التثدى Gynecomastia عقم Infertility ضعف جنسي Impotence انعدام او نقص الشهوة الجنسية Loss of libido ولو زاد عند السيدات انقطاع الطمث او ندرة الطمث و زيادة فى افرازات الثدى Oligomenorrhea or Amenorrhea and Galactorrhea عقم Infertility و قلة التبويض

 3 هرمون المحفز لهرمونات الغدة الكظرية المسئول عن افراز الكورتيزون Adrenocorticotropic Hormone ACTH لو زاد يعمل متلازمة كوشينج Cushing syndrome اللى بتوضح اعراض زيادة الكورتيزون واللى لو نقص يعمل مرض اديسون Addison disease اللى بتوضح اعراض نقص الكورزتيزون فى الجسم

 4 هرمون المحفز لهرمونات الغدة الدرقية Thyroid Stimulating Hormone TSH المسؤول عن افراز هرمونات الغدة الدرقية T3 و T4 اللى لو زاد افرازهم تظهر اعراض فرط نشاط فى الغدة الدرقية او لو نقص تظهر اعراض نقص هرمونات الغدة الدرقية. 

5 هرمونات الغدد التناسلية Gonadotropic Hormones FSH, LH المسئولة عن افراز التستوستيرون فى الرجال ولإفراز هرمون الاستروجين والبروجيسترون عن النساء  لإتمام العملية التناسلية  ودا اللى كان بيتكلم عنه الفيلم ان الشخص دا كان بيعانى من فقدان فى الهرمونات دى FSH, و , LH .. (حاليا متوفر الهرمونات دى فى صورة ادوية حقن بالصيدليات) اما الفص الخلفى من الغدة يفرز هرمونى ر Oxytocin ودا مسئول عن انقبضات الرحم اثناء الولادة وعصر الغدد اللبنية اثناء رضاعة الأطفال. و هرمون المضاد لإدرار البول Antidiuretic Hormone (ADH اللى لو مش موجود عندك لن يحتتفظ جسمك بالماء والتبول بشكل مستمر فسبحان الله على حكمتة ان يجعل لهذا الحجم من جسمك فى التحكم فى كل هذة الوظائف إضافة من أستاذى الدكتور Ahmed Abulsoud اللى بتوضح العمق العلمي والطبى فى الفيلم لما الدكتور (حسين فهمي) شال جزء من الغدة واضح أن مع العملية و إزالة جزء كبير من الغدة تمهيداً لزرعة لنور الشريف نتج عنه panhypopituitarism و ده اهم اعراضه نقص ال FSH و LH و طبعاً نتيجة لكده ظهر عنده Gonadal horomnes disturbance و ظهرت عنده في أعراض Decrease in libido and loss of sexual function و دي كانت واضحة في كلمته الشهيرة لحسين فهمي أنا مش أنا يا دكتور و هروبه من مواجهة زوجته اللي كانت بتتهمه دايما أنه من ساعة ما رجع من لندن و هو بيتهرب منها و مش مظبوط جمع ده مع نقص الكورتيزون الناتج من نقص ACTH اللي هيسبب إرهاق دائم و عدم قدرة على العمل و دخل محمود عبد العزيز في مرحلة إكتئاب اتحولت بعد كده لمرحلة عصبية أعلى حاجة كمان لما محمود عبدالعزيز سأل حسين فهمى القرد بطل تنطيط ولا لسا .. القرد كان بيتنطط من الصداع الرهيب اللى بيحصل بعد العملية اللى اتعملت فى المخ محمود عبدالعزيز كان رابط دماغة جامد وبيشتكى بوجع رهيب بعد العملية وسأل الطبيب القرد بطل تنطيط ولا لسا  وبعدها الصداع خف .. محمود عبدالعزيز قال فى المشهد .. انا عرفت القرد كان بيتنطط ليه !!


0 comments :

إرسال تعليق